JÓL Á RÉTTUM TÍMA

 


Fjórða árið í röð fer þessi síða í loftið og er henni sem fyrr ætlað að mótmæla ótímabærum jólaundirbúningi. Því mér finnst óþolandi þegar fyrirtæki byrja að minna okkur neytendur á jólin í október og nóvember. Þetta eyðileggur jólastemmninguna og margir verða orðnir dauðþreyttir á jólunum þegar þau loks koma. Það er alveg nóg, finnst mér, að byrja jólaundirbúninginn í desember eða fyrsta sunnudag í aðventu.
Á Svarta listanum hér fyrir neðan eru fyrirtæki og auglýsendur sem byrja að minna á jólin fyrir þann tíma. Listinn er ekki tæmandi og eflaust á hann eftir að stækka eftir því sem tíminn líður.
Ég ætla að reyna að sniðganga fyrirtækin og vörumerkin sem eru á listanum a.m.k. þangað til í desember og vona að aðrir geri slíkt hið sama, því ég er örugglega ekki einn um þessa skoðun.

 

SVARTI LISTINN 2007:

A4: Auglýsir jólaföndurvörur í Fréttablaðinu 26. október

Blómaval: Opnar jólaland 27. október (Sjá auglýsingu í Fbl. sama dag)

Frón: Byrjað að selja jólapiparkökur seinnipart október

Garðheimar: Auglýsir (jóla)ljósaseríur í Fbl. 27. október

Hagkaup: Byrjað að selja/stilla upp jólavörum og skrauti 16. október

Hilton: Auglýsing um jólahlaðborð í Markaðnum (Fréttablaðið) 3. október

Húsasmiðjan: Opnar Jólaland 27. október (Sjá auglýsingu í Fbl. sama dag)

Ikea: Jólaauglýsingar byrja 18. október

Kókómjólk: Komin í jólaumbúðir um miðjan október

Skíðaskálinn Hveradölum: Auglýsing um jólahlaðborð í Fréttablaðinu 10. október

Tolli.net: Auglýsir jólagjafir 3. október

Ölgerðin Egill Skallagrímsson: Byrjað að selja jólaöl og Malt-Appelsínblöndu seinnipart október

Nýmjólk og Léttmjólk: Komnar í jólaumbúðir um miðjan nóvember

Kringlan: Orðin jólaskreytt um miðjan nóvember

Tiger: Gefur út jólabækling 13. nóvember

 
Sjálfsagt eiga einhverjar auglýsingar eftir að fara framhjá mér.

Sendu mér línu ef þér finnst að eitthvað vörumerki/fyrirtæki eigi heima á þessum lista.


Nokkrar athugasemdir frá fólki sem hefur rekið nefið hingað inn

TAKTU ÞÁTT Í MÓTMÆLUNUM:

Settu borðann á heimasíðuna þína.

Afritaðu kóðann sem er í rammanum og settu hann þangað sem þú vilt að borðinn birtist.

ATÆ 2007

 

Norsk samtök sem mótmæla þessu sama